Еден месец СДС се обидува да избега од вистината, но фактите се јасни, заедно со Лимани ја делат локалната власт во Гостивар, а со тоа ја делат и одговорноста за состојбите во општината, стои во соопштението на владејачката партија, кое ви го пренесуваме во целост.
„Наместо да побараат одговорност од своите партнери во локалната власт и да ја признаат сопствената политичка одговорност, од СДС продолжуваат со обиди за префрлање на вината врз ВМРО-ДПМНЕ.
Додека СДС ширеше политички обвинувања, Владата предводена од ВМРО-ДПМНЕ од самиот почеток беше со граѓаните на Гостивар и презеде конкретни мерки за надминување на кризата.
На жителите им беше обезбедено бесплатно снабдување со вода, а надлежните институции постапија за да се надмине проблемот и да се заштитат граѓаните.
Институциите постапија, случајот се истражува, а водата повторно е безбедна за пиење.
Граѓаните заслужуваат институции кои решаваат проблеми, а не политички игри и префрлање одговорност.
ВМРО-ДПМНЕ останува посветена на решавање на проблемите на граѓаните и ќе продолжи да дејствува секаде кај што е најпотребно во интерес на граѓаните.
А, СДС треба да престане да бега од одговорноста и да се соочи со фактот дека како дел од локалната власт во Гостивар ја дели одговорноста за состојбите во општината, вклучително и за проблемот со водата“.
© Vecer.mk, правата за текстот се на редакцијата
