Го нема веќе скоро заборавениот бугарски пратеник и минситер Каракачанов со неговите остри напади и закани кон Македонија доколку не го прифати бугарското вето но, затоа, неговата улога ја продолжува Венко Филипче, претседател на СДСМ.
Филипче и СДС не нудат решение за Македонија, туку нудат нови отстапки со кои овозможуваат нови уцени, велат од ВМРО-ДПМНЕ.
„Филипче глуми адвокат на официјална Софија и ги стави туѓите интереси пред македонските. Венко Филипче е опседнат со внесување на Бугарите во Уставот, што покажува дека за СДСМ. Наместо да се борат за Македонија, во СДС се натпреваруваат кој побрзо ќе прифати нови условувања и отстапки.
На граѓаните одамна им е јасно дека внесувањето на Бугарите во Уставот не е крај на барањата, туку почеток на нова серија уцени. Токму затоа огромно мнозинство граѓани се против такви чекори под диктат и притисок однадвор.
Секој јавен настап на Филипче и СДС се потсетник зошто СДС ја изгуби довербата кај народот и зошто продолжува да тоне.
Во Македонија заврши времето на капитулации и политичари кои клечат пред туѓи барања.
Македонија има потреба од лидери кои стојат исправено, го бранат идентитетот, јазикот и државните интереси без калкулации и без пазарење.
Граѓаните ги поддржуваат политиките на ВМРО-ДПМНЕ и даваат огромна поддршка на ВМРОДПМНЕ да се бори достоинствено на патот на интеграцијата на Македонија во ЕУ“, стои во соопштението на ВМРО-ДПМНЕ.
© Vecer.mk, правата за текстот се на редакцијата
