Преку разни програми од Министерството за транспорт инвестираме над 9,5 милиони евра во Прилеп, во нови улици, канализациони и водоводни системи и урбан развој, соопшти вицепремиерот Александар Николоски, кој заедно со премиерот Христијан Мицкоски денеска е во Прилеп.
- Во првиот и вториот повик во Прилеп се инвестирани над 7.5 милиони евра, околу милион и пол евра се инвестираат преку Јавното претпријатие за стопанисување со станбен и деловен простор во изградба на зграда со социјални станови, којашто до крајот на годината треба да е завршена и до пролет да бидат тие станови поделени и вселени. Дополнително имаме програма заедно со Светска банка од околу 350 илјади евра за инвестиции во Прилеп.
Паралелно со инвестициите во општината, забрзано се работи на изградба на автопатот Прилеп - Битола. Во текот на летово имаме добри бројки и добра динамика, веќе на почетокот на 2027 година ги очекувам првите километри комплетно завршен автопат во две насоки 3+3 ленти, со комплетно изградени помошни патишта, објави Николоски.
© Vecer.mk, правата за текстот се на редакцијата
