КАВАДАРЦИ НЕ ЗАПИРА, добија и нова спортска сала какви што има малку во Македонија

Vecer | 27.10.2026

КАВАДАРЦИ НЕ ЗАПИРА, добија и нова спортска сала какви што има малку во Македонија
Додај го Вечер како твој извор на Google (се отвора во нов таб)

Реконструкцијата на спортската сала во СОУ Гимназија „Добри Даскалов“ во Кавадарци влегува во завршна фаза, а со инвестиција од 4.200.000 денари се создаваат современи и побезбедни услови за учениците и нивните спортски активности.

Градоначалникот на Општина Кавадарци, Митко Јанчев, информираше дека градежните активности се одвиваат согласно предвидената динамика, а спортската сала постепено добива нов, модерен и функционален изглед.

Во рамки на реконструкцијата се поставува нов спортски под, се уредуваат ѕидните површини и се модернизира осветлувањето. Дополнително, се подобруваат системите за греење, вентилација и противпожарна заштита, со што значително ќе се унапредат условите за одржување на наставата по физичко образование.

Со реализацијата на овој проект, учениците ќе добијат поквалитетен простор за спорт, рекреација и развивање здрави животни навики, додека училиштето ќе располага со посовремена спортска инфраструктура.

Инвестицијата од 4,2 милиони денари е дел од активностите на Општина Кавадарци за подобрување на училишната и спортската инфраструктура, со посебен акцент на потребите на младите.

Градоначалникот Митко Јанчев истакна дека вложувањата во образованието и спортот продолжуваат, со цел создавање подобра училишна средина и повеќе можности за развој на учениците во Кавадарци.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk