Николоски на Виенскиот економски форум: МАКЕДОНИЈА СО СИЛЕН ФОКУС НА ИНФРАСТРУКТУРАТА, ЕКОНОМСКИОТ РАЗВОЈ И ЕВРОПСКАТА ИНТЕГРАЦИЈА

Vecer | 16.11.2026

Николоски на Виенскиот економски форум: МАКЕДОНИЈА СО СИЛЕН ФОКУС НА ИНФРАСТРУКТУРАТА, ЕКОНОМСКИОТ РАЗВОЈ И ЕВРОПСКАТА ИНТЕГРАЦИЈА
Додај го Вечер како твој извор на Google (се отвора во нов таб)

Вицепремиерот Александар Николоски престојува во работна посета на Виена, Австрија, каде учествува на 23. Виенски економски форум, посветен на регионалната економска соработка, европската интеграција и стратешките предизвици.

Форумот годинава се одржува под мотото „Виенски дијалог за иднината 2026 – заедничка визија за заедничка иднина, стратешки предизвици“.

Во рамки на настанот, Николоски ќе има свое обраќање на панел-дискусијата „Заедничка визија за долгорочна економска соработка“, на која ќе ги претстави економските политики на земјава и можностите за продлабочување на соработката со државите од регионот.

Предвидено е да се осврне и на стратешките инфраструктурни проекти што се реализираат во Македонија.

На Форумот учествуваат членови на Бордот на Виенскиот економски форум, министри од земјите на Западен Балкан, претставници на Европската Унија и високи претставници на меѓународни финансиски институции.

Покрај економската соработка, во фокусот на дискусиите ќе бидат и предизвиците поврзани со европската интеграција и проширувањето на Европската Унија.

Виенскиот економски форум е насочен кон унапредување на регионалната економска соработка и развојот на економиите од Јадранското до Црното Море, како дел од поширокиот европски и глобален економски простор.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk