Во градскиот воз од Зелениково до Скопје се возат по 300 патници дневно, што е бројка која не беше очекувана, рече министерот за транспорт Александар Николоски.
– Ние имаме градски воз во кој што никој не веруваше. Никој не веруваше ни од опозицијата, ни од поголемиот дел од јавноста. Бројките, да бидам искрен со вас, се подобри од она што го очекував. Веќе сме некаде на околу 300 патници дневно. Тоа се 300 возила помалку во центарот на градот. Тоа се 300 нервози помалку во центарот на градот и тоа се 300 луѓе коишто навреме стигнуваат – рече Николиски во гостување на Радио Лидер.
Во моментов завршува проектирањето за двете други линии од градскиот воз, од Волково и од Миладоновци, додаде тој.
© Vecer.mk, правата за текстот се на редакцијата
