НОВИТЕ КОМУНАЛНИ ВОЗИЛА предадени на Град Скопје

Vecer | 08.10.2026

НОВИТЕ КОМУНАЛНИ ВОЗИЛА предадени на Град Скопје
Додај го Вечер како твој извор на Google (се отвора во нов таб)

Специјализираните возила наменети за ЈП „Комунална хигиена“ веќе се предадени на Град Скопје, а по завршувањето на правните процедури во наредните денови треба да бидат ставени во функција, соопшти градоначалникот Орце Ѓорѓиевски.

Ѓорѓиевски најави и дека до крајот на неделава треба да пристигне првата испорака од вкупно 3.300 нови контејнери, што, според него, е најголемата досегашна набавка.

– Чистиот град значи здравје, достоинство и подобар живот за сите. Затоа, секој од нас има одговорност да го чува. Нашата работа нека биде поттик за поголема грижа, а секоја чиста улица обврска таква и да остане – изјави Ѓорѓиевски.

Градоначалникот оцени дека Скопје предолго трпело поради, како што наведе, неодговорноста и неажурноста на претходните градски власти.

– На таа запуштеност ѝ ставаме крај со работа и конкретни дела. Со силна волја, макотрпна работа и заедничка одговорност, Скопје повторно ќе биде горд град, порача Ѓорѓиевски.

Новите возила и контејнерите се дел од најавите на градската власт за подобрување на состојбата со одржувањето на јавната чистота во Скопје.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk