Автопатот Скопје – Блаце е дел од стратешката визија Македонија да стане клучна транспортна крстосница на Балканот, вели вицепремиерот и министер за транспорт Александар Николоски, откако државата го потпиша Договорот за грант од 30,8 милиони евра со ЕБОР за изградба на оваа важна делница.
‒ Без разлика што немаме излез на море, на овој начин државата може да стане стратешки најважна точка на Балканот, преку која ќе се вкрстуваат бизнисот, трговијата, туризмот и економската размена, вели Николоски.
Тој потенцира дека автопатот Скопје – Блаце, кој е во должина од 10,5 км, претставува инженерски предизвик, каде на трасата ќе се изградат околу четириесетина објекти.
© Vecer.mk, правата за текстот се на редакцијата
