Тешка сообраќајна несреќа утрово го отежна сообраќајот на скопската обиколница. На потегот непосредно пред исклучувањето кон Приштина, од засега непознати причини, се преврте камион, расфрлајќи го товарот и отежнувајќи го нормалното движење на возилата.
Полициски екипи на МВР се веќе на местото на настанот и вршат детален увид за да се утврдат причините за превртувањето. На возачите им се советува крајна претпазливост или користење на алтернативни патишта.
До овој момент нема официјални потврди за состојбата на возачот или за евентуални други повредени лица. Повеќе детали од Министерството за внатрешни работи се очекуваат по завршување на увидот.
© Vecer.mk, правата за текстот се на редакцијата
