Европската комисија го објави официјалниот календар за почеток и крај на летното сметање на времето сè до 2031 година, потврдувајќи дека традиционалното поместување на стрелките на часовникот продолжува и во следните години.
Според важечките правила на Европската Унија, промената продолжува да се одвива двапати годишно, летното сметање започнува последната недела од март, а завршува последната недела од октомври. Иако Европскиот парламент уште во 2019 година изгласа нацрт-закон за укинување на оваа пракса, одлуката е ставена во застој бидејќи земјите-членки сè уште не можат да постигнат конечно согласување дали трајно да се задржи зимското или летното време.
Сепак, од Комисијата напоменуваат дека објавениот распоред е изготвен според моменталните регулативи, што значи дека доколку членките на ЕУ во меѓувреме постигнат договор, обврската за поместување на часовниците би можела да се укине и порано.
© Vecer.mk, правата за текстот се на редакцијата
