Ракетниот систем „Њу Глен“ на американската вселенска компанија „Блу Ориџин“, која е во сопственост на основачот на „Амазон“, Џеф Безос, доживеа тешка несреќа откако експлодираше на самата лансирна рампа. Инцидентот се случи во вселенската база Кејп Канаверал во американската сојузна држава Флорида, а од компанијата потврдија дека за среќа нема повредени лица.
Експлозијата се случила за време на изведување на таканаречениот „хот-фајр“ тест. Ова е стандардна процедура на проверка која се изведува на земја, при што моторите на ракетата се активираат под полна пареа додека самата летала е цврсто прицврстена за лансирната платформа.
Сопственикот на компанијата, милијардерот Џеф Безос, се огласи преку социјалната мрежа Х за да ја смири јавноста. Тој потенцираше дека сите вработени во базата се на безбедно и додаде дека во моментов е премногу рано да се зборува за точните причини кои довеле до оваа сериозна хаварија.
© Vecer.mk, правата за текстот се на редакцијата
