Еден од најпознатите американски адвокати за развод, Џејмс Џозеф Секстон, го сподели своето искуство со неверството и откри кој, според неговите набљудувања, ги изневерува своите партнери почесто.
Неверството ретко се случува одеднаш. Во повеќето случаи, тоа започнува преку навидум безопасни ситуации што партнерите честопати не ги забележуваат или не им придаваат важност.
Иако со години се води дебата за тоа дали мажите или жените се посклони кон изневерување, искуствата на експертите кои работат со брачни парови секој ден даваат поинаква перспектива на оваа тема.
Американскиот адвокат за развод и семејно право од Њујорк, Џејмс Џозеф Секстон, во едно од своите видеа зборуваше за тоа што забележал за време на неговата долга кариера како застапник на сопружници во постапки за развод.
Кој изневерува почесто?
Секстон тврди дека, според неговото искуство, мажите се посклони кон неверство, но тој верува дека жените генерално се повеќе успешни во прикривиањето, повнимателни да го сокријат своето неверство.
„Според моето искуство, мажите изневеруваат почесто, но жените го прават тоа подобро. Жените или целосно се трудат или воопшто не се трудат. Мажите, од друга страна, честопати едноставно прават нешто глупаво.“
Тој нагласува дека не секое изневерување е исто и прави разлика помеѓу краткотрајна афера и сериозна афера.
„Постои разлика помеѓу минлива афера и вистинска афера. Минливата афера е кога некој прави нешто глупаво и се вклучува без многу размислување и најчесто потоа се чувстува лошо од стореното. Аферата е сериозна и долгорочна врска во која има и емоции.“
Различните ставови на мажите и жените за изневерувањето
Според неговите набљудувања, мажите и жените не само што различно влегуваат во прељуба, туку и различно го доживуваат неверството на својата партнерка.
„Според моето искуство, мажите и жените различно пристапуваат кон изневерувањето, но исто така различно реагираат кога тоа ќе се случи.“
Според него, мажите кои откриваат дека нивната партнерка ги изневерувала најчесто прво сакаат одговор на прашањето:
„Дали имавте секс со него?“
Од друга страна, жените во истата ситуација имаат тенденција да прашаат:
„Дали ја сакаш?“
Секстон верува дека оваа разлика открива различни емоционални стравови меѓу половите.
„Мажите се повеќе загрижени за територијата и чувството на поседување, додека жените се повеќе се плашат да не бидат емоционално заменети. Ова многу кажува за нашите внатрешни верувања и како го перцепираме нашиот партнер и бракот“, вели тој.
Кој е полесно фатен во неверество?
Адвокатот истакнува дека неверството се јавува кај двата пола, но дека постои една важна разлика кога станува збор за откривање на изневерување.
„Според моето искуство, мажите се многу посклони но, и помалку внимателни веројатно затоа што површно го доживуваат неверството и помалку им значи за да го сочуваат отколку на жените и затоа полсено им се откриваат енверствата.
Кога жените изневеруваат, особено во подлоготрајните афери, тоа за нив има и емотивно значење па повеќе се посветени ни врската за да ја сочуваат и тие генерално се подобри во криењето на тоа.“
Неговите тврдења се базираат на искуство од бројни брачни спорови што ги решавал.
© Vecer.mk, правата за текстот се на редакцијата
