По речиси 30 години - крај. Артсокртаскиот, престижен бренд Бугати кој досега беше дел од групацијата Фолксваген - доби нов газда.
На 9 септември, Порше (Дел од групацијата Фолксваген) ја заврши продажбата на своите акции во компаниите Бугати Римак и Римак Груп, со што Фолксваген Групацијата го изгуби својот директен сопственички удел во Бугати по речиси три децении.
Порше ќе добие околу една милијарда евра од трансакцијата, од кои 250 милиони евра се наменети за обврски кон пензискиот фонд.
Приказната започна во 1998 година, кога тогашниот шеф на Фолксваген Групацијата, Фердинанд Пијех, ги обезбеди правата за името Бугати.
Фолксваген ги купи Ламборџини и Бентли истата година, но токму Бугати беше задолжен да ги помести границите на автомобилското инженерство.
Резултатот беше Вејрон, хипер автомобил со повеќе од 1.000 КС кој стана еден од најважните автомобилски проекти во раните 2000-ти.
Римац сега го има главниот капитал
Во 2021 година, Фолксваген ги спои Бугати и Римац во компанијата Бугати Римац. Римац Груп тогаш доби 55 проценти сопственост, додека Порше имаше 45 проценти. Во исто време, Порше поседуваше и 20,6 проценти од Римац Груп.
Сега Порше излезе од двете компании. Конзорциум предводен од инвестициската компанија HOF Capital, со учество на инвеститорот од Абу Даби BlueFive Capital, го презеде уделот во Порше.
Римац Груп останува мнозински сопственик на Бугати Римац, додека Мате Римац ја презема позицијата претседател на Бугати Автомобили, покрај позицијата извршен директор на Бугати Римак.
Бугати останува верен на V16 моторот
Соработката помеѓу Бугати и Римац резултираше со моделите Мистрал и Турбилон, вториот е особено интересен бидејќи комбинира електрификација со атмосферски V16 мотор.
Со ова, Бугати покажа дека преминот кон хибриден погон не мора да значи крај на моторот со внатрешно согорување.
За Порше, продажбата е дел од стратегијата за фокусирање на сопствениот бизнис и новите модели, вклучувајќи ги електричните верзии на Бокстер и Кајман, наследникот на првата генерација Макан, како и голем теренец со три реда седишта.
Сепак, за Бугати ова означува почеток на нова фаза.
Компанијата од Молсхајм веќе има нарачки исполнети до 2029 година, додека Римац и новата инвестициска група сега се задолжени за финансирање и спроведување на долгорочната стратегија на брендот.
© Vecer.mk, правата за текстот се на редакцијата
