Православните верници денеска го чествуваат Велики Четврток, денот на Тајната вечера и воспоставувањето на Светата Причест. Македонската традиција налага првите велигденски јајца да се вапцуваат рано утрово, пред изгрејсонце, при што првото јајце се чува цела година како заштитник на семејството.
Денот е посветен на смирението и љубовта, но и на сеќавањето на предавството во Гетсиманската градина. Вечерните богослужби, на кои се изнесува Распетието, го подготвуваат христијанскиот свет за најстрогиот пост на Велики Петок. Според црковните канони, денешниот пост дозволува употреба на масло и вино.
© Vecer.mk, правата за текстот се на редакцијата
