Познатата инфлуенсерка и мајка на три деца, Марта Кели де Оливеира Силва, почина на 33-годишна возраст по компликации што се појавија по естетската операција.
Марта, од Бразил, беше оперирана на 12 август, а веќе следниот ден беше отпуштена од болница. Сепак, откако се разболе, на 14 август, таа беше примена во болницата во Волта Редонда, каде што почина на интензивна нега во понеделник, според странските медиуми.
Според странските медиуми, Марта наводно имала комбинација од естетски процедури, вклучувајќи липосукција, импланти за гради и стомачна корекција. Сепак, нејзиното семејство не потврди точно какви процедури имала, ниту пак е познато каде била оперирана.
Веста за нејзината смрт ја објави нејзиниот сопруг Маркос Винисиус, кој се збогува со жената со која помина 15 години со емотивна порака.
„Ја изгубивме битката. Сè уште ми е толку тешко да ги напишам овие зборови. Марта беше љубовта на мојот живот, мојот најдобар пријател, мојот придружник и најдобрата сопруга што можев да ја имам“, напиша тој.
Марта беше мајка на три момчиња – Тео, Рави и Филип – и имаше околу 267.000 следбеници на Инстаграм, каде што споделуваше моменти од семејниот живот.
Нејзиниот сопруг особено нагласи колку тешко ќе му биде да го продолжи животот без неа.
„Сега започнува најтешката мисија во мојот живот: да продолжам понатаму и да ги одгледам нашите три момчиња онака како што таа би сакала. Ќе се погрижам да пораснат знаејќи која е нивната мајка и колку ги сакала“, рече тој.
Точната причина за компликациите што тргнаа наопаку за време на естетската операција сè уште не е објавена.
© Vecer.mk, правата за текстот се на редакцијата
