Овој рецепт не бара ниту јајца ниту млеко, а тестото е толку практично што може да стои во фрижидер до 7 дена, при што со текот на времето станува сè помеко. Кога ќе ви затреба, само откинете парче, развлечете го и подгответе го за печење.
Состојки:
• 500 г брашно
• 250 мл млака вода
• 100 мл масло
• 1 лажичка сол
• 1 прашок за печиво
Подготовка:
Измешајте ги брашното, солта и прашокот за печиво, па додадете ги маслото и водата. Месете додека не добиете меко и мазно тесто. Доколку е потребно, додадете уште малку вода.
Ставете го тестото во кеса или фолија и оставете го во фрижидер. Најдобро е да отстои барем еден час, но може да се користи и веднаш.
Што можете да подготвите со него
Кифлички – Развлечете го тестото, исечете го на триаголници, свиткајте ги и печете на 200°C околу 15 минути.
Пица – Развлечете го тенко, ставете посен прелив и печете на 220°C околу 12 минути.
Пита со компир и спанаќ – Развлечете кори, наполнете ги и печете на 180°C околу 30 минути.
Погачици – Исечете кругови, премачкајте со масло и печете на 200°C околу 15 минути.
Лепчиња – Развлечете малку подебело и печете на тава без масло 2–3 минути од секоја страна.
Чување на тестото
Чувајте го во фрижидер до 7 дена, во добро затворена кеса. Пред употреба извадете го 15 минути порано за да се загрее на собна температура.
© Vecer.mk, правата за текстот се на редакцијата
