Веројатно ви се случило да застанете пред тезга на пазар и да се запрашате дали доматите што сакате да ги купите се прскани? Наместо вашата одлука да зависи исклучиво од довербата во продавачот, во откриваме неколку корисни совети за тоа како да препознаете природно одгледувани домати. Најдобар начин да препознаете дали доматот содржи пестициди е да го исечете и да ја погледнете внатрешноста. Доматите третирани со хемикалии често имаат жолтеникави ленти, со жолт дел во средината на плодот.
Исто така, обрнете внимание на изгледот на плодовите. Ако сите домати се со иста големина, совршено мазни и речиси идентични – многу е веројатно дека не станале такви природно. Избегнувајте претходно спакувано овошје и зеленчук, бидејќи тие најчесто доаѓаат од интензивно производство каде што се користат големи количини пестициди и други хемикалии. Од друга страна, ако доматот изгледа малку несовршен – има бразди, неправилности, кафеави дамки или необична форма – постои голема веројатност дека станува збор за непрскано, природно одгледувано овошје.
Доматите често се одгледуваат во домашни градини бидејќи се релативно лесни за одгледување и даваат изобилство, сочни, црвени плодови. Ако размислувате сами да одгледувате домати, еве неколку корисни совети за да го извлечете максимумот од растението.
1. Изберете ја вистинската сорта
Прашајте експерт која сорта е најсоодветна за вашите услови – на пример, дали одгледувате домати на отворено со целосно сонце или на балкон. Не секоја сорта е подеднакво успешна во сите средини, дури и ако е широко достапна во расадници.
2. Подготовка на почвата
Внимавајте почвата да не е тврда и збиена. Ако е премногу збиена, корените нема да можат да растат и да продираат низ збиената почва, а растението ќе заостанува. Пред садењето, добро ископајте ја почвата и, доколку е можно, додадете компост за подобра исхрана.
3. Пробајте го трикот со сода бикарбона
Содата бикарбона може да помогне во подобрувањето на вкусот на овошјето. Кога растението ќе порасне околу 2,5 см, посипете четири лажички сода бикарбона околу него (не врз него!). Повторете ја постапката некое време пред бербата. Содата ја неутрализира киселоста на почвата, што резултира со послатки и повкусни домати.
© Vecer.mk, правата за текстот се на редакцијата
