Поради планирани технички зафати и реконструкција на електродистрибутивната мрежа, утре (12 ноември 2026 година) без електрична енергија ќе останат корисници во повеќе скопски општини.
Во општина Илинден, во период од 08:00 до 15:30 часот, поради замена на пет столбови на извод 5 од ТС Белимбегово 6, без напојување ќе останат потрошувачите од патот кон фармите во Јурумлери и улица „27“.
Во Кисела Вода прекинот ќе трае од 08:30 до 16:00 часот, а без струја ќе биде дел од улица „Христо Татарчев“ 14 и дел од улица „Христо Татарчев“ 2.
Во Гази Баба, од 09:00 до 14:00 часот, поради интервенции во ТС Старо Нова Бања 2 и ТС Стара Нова Бања 1 (чистење, проверка на расклопна опрема и долевање масло), струја ќе немаат жителите на улиците „Хусеин Бајрам“, „Лезе Томи“, „Григор Прличев“, како и на улиците со бројеви 163, 165, 166, 170 и 171.
Во општина Сопиште, од 09:00 до 13:00 часот, без напојување ќе остане дел од населеното место Црвена Вода (Црвена Прс).
Во Центар, во периодот од 09:30 до 15:30 часот, поради планиран зафат во мрежата без електрична енергија ќе биде објектот на Македонската опера и балет (МОБ).
© Vecer.mk, правата за текстот се на редакцијата
