Цената на златото во ноември бележи изразени осцилации, со силен раст во првите денови од месецот, по што следуваше корекција на пазарот. И покрај последниот пад, благородниот метал сè уште ја задржува позитивната месечна динамика.
Според берзанските податоци, цената на златото од крајот на октомври до 9 ноември пораснала за околу 5,5 проценти. Највисокото ниво во набљудуваниот период достигнало 4.114,50 долари за тројска унца.
Сепак, по достигнувањето на овој врв, следуваше намалување на вредноста. До 12 ноември цената се спушти на околу 3.963,20 долари за унца, што претставува пад од приближно 3,7 проценти во однос на највисокото ниво во месецот.
Најниската забележана цена во ноември изнесувала околу 3.940,40 долари за унца. Во споредба со завршницата на октомври, кога златото се тргувало по 3.898,90 долари, актуелната цена сепак е повисока за околу 1,65 проценти.
Овие движења покажуваат дека пазарот на злато останува нестабилен, со брзи промени во инвеститорското расположение и корекции по периоди на посилен раст.
Златото традиционално се смета за средство за зачувување на вредноста во услови на економска и геополитичка неизвесност, но неговата цена е под влијание на повеќе фактори, меѓу кои движењето на американскиот долар, каматните стапки, инфлациските очекувања и побарувачката од централните банки и инвеститорите.
© Vecer.mk, правата за текстот се на редакцијата
