Необична глетка ги изненади жителите на Земун, каде што по дождливиот ден дива свиња била забележана како мирно се движи по улицата „Његошева“. Снимката брзо го привлече вниманието на граѓаните, а според претпоставките, животното можело да пристигне од Воениот остров, препливувајќи го Дунав. Ова не е првпат диви свињи да бидат забележани во белградските населби, а претходно имало случаи и на Калемегдан и Дорќол. Експертите советуваат граѓаните да останат смирени, да не им се приближуваат и со забрзан чекор да се оддалечат доколку наидат на дива свиња.
© Vecer.mk, правата за текстот се на редакцијата
