Синот на американскиот претседател Доналд Трамп, Доналд Трамп Помладиот, доаѓа во Бања Лука, пренесува Klix.ba.
Како што е соопштено за порталот, Трамп Помладиот првично требало да пристигне во Бања Лука на 9 април, но би можел да слета уште утре.
За време на неговиот престој во Босна и Херцеговина, се очекува тој да одржи средби со функционери на владејачките партии во Република Српска.
Според информациите до кои дојде Klix.ba, главната причина за неговото доаѓање се потенцијалните инвестиции на фирми кои ги контролира или со кои соработува Трамп Помладиот, кој го презеде водењето на семејниот бизнис откако Доналд Трамп се врати во Белата куќа во јануари минатата година.
Да потсетиме, Трамп Помладиот, заедно со зетот на Трамп, Џаред Кушнер, кој сега извршува висока дипломатска функција во администрацијата на Трамп, имаше планови за инвестиции во соседна Србија, односно за изградба на „Трамп тауер“ (Trump Tower) во Белград.
© Vecer.mk, правата за текстот се на редакцијата
