(ВИДЕО) ЛИДИЈА ВУКИЌЕВИЌ НИЗ СОЛЗИ ПО ИНЦИДЕНТОТ – „Ме нападнаа Срби, ме влечеа за коса и ме полеаја со јогурт“

Vecer | 17.11.2026

(ВИДЕО) ЛИДИЈА ВУКИЌЕВИЌ НИЗ СОЛЗИ ПО ИНЦИДЕНТОТ – „Ме нападнаа Срби, ме влечеа за коса и ме полеаја со јогурт“
Додај го Вечер како твој извор на Google (се отвора во нов таб)

Лидија Вукиќевиќ, пратеничка од Српската напредна странка, која утрово беше полиена со јогурт пред Народното собрание на Србија, изјави дека се чувствува ужасно бидејќи, како што вели таа, била нападната од Срби.

„Се чувствувам ужасно бидејќи бев нападната од Срби. Јас ѝ се посветив на мојата земја и на мојот народ, а сепак дојдовме до точка каде што вакво нешто се случува пред Народното собрание“, рече Вукиќевиќ.

Таа напомена дека, и покрај вербалните навреди, им се насмевнала на присутните и ги поздравила.

„Тие имаат право на поинакво мислење, но вакво ниво на примитивизам и вулгарност…“ прокоментира таа.

Според неа, собраните луѓе почнале да ја влечат и да ја кубат за коса, пред да ја полијат со јогурт.

„Ова е неприфатливо. Тие се слаби како поединци, но многу силни кога се во група. Никогаш нема да се согласам со она што го прават и никогаш нема да се плашам од нив. Нека ме полијат и со 30 литри јогурт, баш ми е гајле – нека прават што сакаат“, изјави таа, објави Танјуг.

Вукиќевиќ упати критики и кон полицијата, тврдејќи дека не интервенирала.

„Каде оди оваа земја ако еден пратеник не е безбеден? Ниту еден полицаец не реагираше. Срам да ви е“, рече таа.

Инцидентот се случи утрово додека Вукиќевиќ влегуваше во зградата на Народното собрание, пред која се беше собрала група граѓани.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk