Силна бура го наруши авионскиот сообраќај на аеродромот „Руѓер Бошниковиќ“ во близина на Дубровник, поради што шовеќе летови не успеаја да слетаат и беа пренасочени кон аеродроми во соседните земји.
„Точно е, ветерот од утринава ни создава големи проблеми. Поради силните налети на бурата, авионите едноставно не можат да слетаат. Повеќето се обидуваат, но кога тоа не успева, се пренасочуваат кон аеродроми во Италија, Црна Гора, Србија и други земји“, изјави портпаролката на аеродромот, Марина Русо.
Според временските прогнози, се очекува ветерот да ослабне во текот на денот, по што надлежните се надеваат дека авионскиот сообраќај ќе биде нормализиран во попладневните часови.
© Vecer.mk, правата за текстот се на редакцијата
