Музичарот Владимир Четкар периодов интензивно работи на продукцијата на неговиот нов студиски албум, па затоа набрзо заминува за САД каде што ќе започне со снимањата на материјалите во неколку студија во Чикаго и Њујорк.
На овој албум, како и на претходните Четкар ќе се потпише како комплетен автор, композитор, аранжер, продуцент, диригент, гитарист вокалист и текстописец, а материјалот, открива, ќе биде сниман во целост со живи инструменти односно со ритам, дувачки и гудачки секции.
Паралелно со снимањата и продукцијата на албумот, Четкар ќе одржи и неколку концерти во Америка, и тоа во Њујорк на 3 јуни, Кливленд на 10 јуни и Детроит на 16 јуни, а ова ќе бидат воедно и неговите први настапи во САД годинава, кои доаѓаат после неговата распродадена есенска турнеја лани.
© Vecer.mk, правата за текстот се на редакцијата
