83. Венецијански филмски фестивал започнува во среда со доделување на наградата за животно дело на Џорџ Клуни и со програма во која учествуваат некои од најголемите имиња на светската кинематографија.
Клуни ќе го прими Златниот лав
Холивудската ѕвезда, 65-годишниот Џорџ Клуни, ќе го прими Златниот лав за животно дело на свеченото отворање во 19 часот, а во негова чест ќе говори актерката Лора Дерн. Тие двајца заедно глумеа во филмот „Jay Kelly“, кој минатата година премиерно беше прикажан во Венеција.
Фестивалот ќе биде отворен со филмот „Ink“ на британскиот режисер Дани Бојл, познат по филмовите „Траинспотинг“ (Trainspotting) и „Милионер од гетото“ (Slumdog Millionaire). Филмот зборува за тоа како Руперт Мардок и Лари Ламб го претвориле „The Sun“ во еден од водечките британски таблоидни весници. „Ink“ е еден од 21 филм што се натпреваруваат за главната фестивалска награда, Златниот лав.
Премиера на „Primetime“
Меѓу најочекуваните филмови е премиерата на „Primetime“, во кој Роберт Патинсон го глуми реалниот новинар Крис Хансен. Серијалот на Хансен на NBC, „To Catch a Predator“, користеше скриени камери за да ги соочи наводните сексуални престапници со нивните постапки, претворајќи ги тие средби во контроверзна телевизиска содржина.
Пенелопе Круз и Хавиер Бардем, од друга страна, глумат брачен пар во филмот „Bunker“, за архитект кого технолошки милијардер го ангажира да изгради подземно засолниште во случај на апокалипса. Во текот на 11-те дена од фестивалот се очекува и доаѓањето на Лиам и Ноел Галагер на премиерата на документарниот филм за повторното обединување на групата Oasis, „Don't Look Back in Anger“.
Војната во Газа исто така ќе има истакнато место на фестивалот, а ќе биде прикажан филмот „Naza“, кој го режираа двајцата автори на оскаровскиот филм „No Other Land“, Јувал Абрахам и Рејчел Сзор. Филмот, сниман ноќе од покривите на Тел Авив, ги истражува системите зад израелскитевоени операции во Газа и масовното страдање на палестинските цивили.
© Vecer.mk, правата за текстот се на редакцијата
