Високи ирански функционери најавија ескалација во Ормускиот Теснец и поширокиот регион доколку дипломатијата не вроди со резултат.
Американскиот претседател Доналд Трамп се закани со напад врз сојузничката држава Оман поради состојбата околу Ормускиот Теснец, пренесува „Индипендент“.
– Ако Оман ни застане на патот, ќе ги избомбардираме до бесвест – изјави Трамп во интервју за „Фокс њуз“ во понеделникот.
Претходно, Трамп се закани дека ќе го „крене Оман во воздух“ доколку земјата „не се однесува пристојно“.
Иранските и оманските претставници во понеделникот ги продолжија разговорите за Ормускиот Теснец, откако истече 60-дневното примирје. Овој клучен поморски коридор и понатаму во голема мера е надвор од функција поради конфликтот меѓу САД и Иран.
Високи ирански функционери најавија ескалација во Ормускиот Теснец и поширокиот регион доколку дипломатијата не успее. Во разговор за „Ројтерс“ тие посочиле дека тоа би значело преминување од одбрана во офанзива.
– Иран нема да чека САД да ја продолжат својата блокада во недоглед – изјавија тие во понеделникот.
Во петокот Трамп се закани дека ќе го прогласи Ормускиот Теснец за американска територија, но подоцна тврдеше дека „се шегувал“, пишува „Индипендент“.
© Vecer.mk, правата за текстот се на редакцијата
