Трамп се огласи на својата страница на социјалните мрежи Truth Social, каде што ја остави следната порака:
„На барање на иранската влада, ве молам сфатете го ова како знак дека го суспендирам периодот на уништување на електраните за 10 дена, до понеделник, 6 април 2026 година, во 20 часот по источно време“, рече шефот на Белата куќа, додавајќи:
„Разговорите се во тек и, и покрај дезинформациите од лажните медиуми и другите, одат многу добро. Ви благодарам за вашето внимание на ова прашање!“.
За потсетување, Трамп прво му даде на Иран рок од 48 часа да го деблокира Ормутскиот теснец или во спротивно ќе ги уништи електраните и инфраструктурата. Техеран одговори дека во тој случај ќе ги таргетира истите објекти и постројки за десалинизација на вода во земјите од регионот.
Пред истиот рок, Трамп објави дека го продолжува рокот за 5 дена и ги суспендира нападите, најавувајќи дека преговара со Иран.
© Vecer.mk, правата за текстот се на редакцијата
