Американскиот претседател Доналд Трамп објави дека Стивен Милер ќе ја замени Сузи Вајлс на позицијата шеф на кабинетот на Белата куќа, што претставува најзначајна промена во неговата администрација досега откако републиканците претрпеа порази на среднорочните избори за Конгресот.
„Со задоволство објавувам дека г-дин Стивен Милер, сегашниот заменик-шеф на кабинетот на администрацијата на Трамп и еден од моите најдоверливи советници, ќе ја преземе улогата на шеф на кабинетот почнувајќи од понеделник, 9 ноември 2026 година“, напиша американскиот претседател на социјалната мрежа Truth Social.
„Сузи Вајлс, која заврши извонредна работа, се приклучува на политичкиот тим на Трамп. Сакам да ѝ се заблагодарам за нејзината служба како шеф на кабинетот - таа заврши одлична работа!“, додаде Трамп.
© Vecer.mk, правата за текстот се на редакцијата
