Портпаролот на Министерството за одбрана на Камбоџа, Мали Сочеат, изјави дека војниците биле префрлени на граничен контролен пункт денеска во 10 часот по локално време, по 155 дена во тајландски притвор.
Гувернерот на камбоџанската покраина Батамбанг, Сок Лу, ги опиша повратниците како „херојски војници“.
Министерството за надворешни работи на Тајланд соопшти дека притворените биле третирани во согласност со меѓународното хуманитарно право и принципите за време на нивниот притвор.
Граничните судири повторно се разгореа овој месец откако пропадна претходниот договор за прекин на огнот постигнат од американскиот претседател Доналд Трамп и малезискиот премиер Анвар Ибрахим.
Тајланд и Камбоџа се согласија на прекин на огнот, со што завршија околу 20-дневниот конфликт во кој загинаа најмалку 101 лице и беа раселени повеќе од половина милион цивили од двете страни.
Борбите вклучуваа размена на ракетни оган и артилериски баражи.
Како дел од договорот за прекин на огнот, Тајланд се согласи да ослободи 18 војници што беа во негов притвор доколку прекинот на огнот траеше 72 часа.
Сепак, предавањето беше одложено за еден ден откако Тајланд ја обвини Камбоџа за кршење на прекинот на огнот, што Камбоџа го негираше.
© Vecer.mk, правата за текстот се на редакцијата
