Жена на возраст од 51 година и 14-годишно дете се повредени во експлозија која беше предизвикана од дронот кој се урна во зграда во градот Галац, а неколку лица беа евакуирани.
Дронот беше следен со радар во романскиот воздушен простор и се урна на покривот на зграда во Галац, соопшти романското министерство за одбрана. Романското министерство за надворешни работи го опиша инцидентот со дрон како „тешка и неодговорна ескалација“ од Русија. Се наведува дека земјата ќе преземе потребни дипломатски мерки за да одговори на она што го опиша како „сериозно кршење на меѓународното право“ и нејзиниот воздушен простор.се наведува и дека е побарано од НАТО да го забрза трансферот на капацитети против дронови во Романија.
Полицијата и другите агенции реагираа на местото на настанот. Галац е на реката Дунав, источно од границите со Молдавија и Украина. Романската војска испрати два борбени авиони Ф-16 и еден хеликоптер кои беа овластени да напаѓаат цели, а до жителите на погодените области беа испратени пораки за тревога.
© Vecer.mk, правата за текстот се на редакцијата
