Според безбедносни извори, леталото било опремено со експлозив и детонатор и се наоѓало во непосредна близина на украинскиот товарен авион „Антонов“.
Неколку авиони, вклучително и еден патнички, биле пренасочени откако на аеродромот во источна Германија биле забележани неидентификувано летало и сомнителен предмет.
❗️🇩🇪🇺🇦 A drone with explosives and a detonator was found on the ground at Leipzig Airport at night. The drone was near a Ukrainian Antonov cargo plane, which caused the airport to temporarily suspend operations, - Bild
— MAKS 26 🇺🇦👀 (@Maks_NAFO_FELLA) August 5, 2026
After the incident, one cargo plane was forced to re-land.… pic.twitter.com/4T6ZGmMXJh
Операциите во северниот дел на аеродромот продолжиле рано во средата, додека јужниот дел останува затворен додека трае истрагата.
Во близина на јужната писта е пронајден сомнителен предмет, кој полицијата го прегледала со помош на робот за отстранување експлозивни направи. Полицијата истражува дали постои поврзаност меѓу неидентификуван летечки објект и сомнителниот предмет.
Не постои непосредна опасност, изјави портпарол на полицијата. Аеродромот Лајпциг/Хале, сместен во источниот дел на земјата, игра централна улога во транспортот на воена опрема – особено за германската војска и сојузниците од НАТО – а служи и како база за флотата на украинската карго-авиокомпанија „Антонов ерлајнс“.
© Vecer.mk, правата за текстот се на редакцијата
