Екипажите рекле дека се во добра здравствена состојба, но дека лошото време, особено силните ветрови, го одложиле доставувањето на помошта, објави Ројтерс.
Мексиканската морнарица претходно соопшти дека лоцирала два брода со кои изгубила контакт во четврток додека носеле хуманитарна помош за Куба.
Морнарицата во објава на својата X-платформа соопшти дека авион ги забележал бродовите на околу 148 километри северозападно од Хавана, Куба.
Бродовите, кои превезувале девет лица, тргнале од јужен Мексико на 20 март и требало да пристигнат во Хавана помеѓу 24 и 25 март.
Два брода припаѓаат на конвојот „Наша Америка“, иницијатива за солидарност на групи и поединци од различни земји од светот, првенствено од Латинска Америка и Европа, кои ги здружиле силите за да достават хуманитарна помош на Куба. Првата група од конвојот „Наша Америка“ пристигна во Куба на 18 март, по што следеше водечкиот брод од конвојот кој пристигна во Хавана на 24 март, носејќи 14 тони хуманитарна помош, вклучувајќи храна и лекови, 73 соларни панели и десетина велосипеди.
© Vecer.mk, правата за текстот се на редакцијата
