Најмалку 162 лица го загубија животот, а речиси 1.500 се водат како исчезнати по катастрофалните поплави и лизгање на земјиштето што го погодија граничниот регион меѓу Непал и Тибет. Меѓу исчезнатите има над 500 странски туристи од повеќе од 20 земји, како и 28 непалски полицајци.
Иако првично се мислеше дека причина е земјотрес, Американскиот геолошки завод потврди дека катастрофата ја предизвикал глацијален колапс, ненадејно рушење на огромен глечер. Овој настан покрена каскадно лизгање на земјиштето и создаде вистински бран од кал и отпад долг над два километри, кој уништи сè пред себе.
Спасувачките операции се одвиваат во исклучително тешки услови поради непристапниот планински терен, срушените патишта и најавените нови обилни дождови. Непалската армија ангажираше 2.000 војници кои веќе успеаја да спасат десетици луѓе заглавени во поплавени тунели и рушевини. Поради обемот на трагедијата, САД, Кина, Индија и Европската Унија веќе најавија итна хуманитарна и финансиска помош за загрозеното население.
© Vecer.mk, правата за текстот се на редакцијата
