ОДЗЕМЕН ИМУНИТЕТОТ НА ПРЕТСЕДАТЕЛОТ НА УСТАВНИОТ СУД НА ПОЛСКА, тој и неговиот заменик ќе бидат кривично гонети

Vecer | 18.11.2026

ОДЗЕМЕН ИМУНИТЕТОТ НА ПРЕТСЕДАТЕЛОТ НА УСТАВНИОТ СУД НА ПОЛСКА, тој и неговиот заменик ќе бидат кривично гонети
Додај го Вечер како твој извор на Google (се отвора во нов таб)

Судиите на Уставниот суд на Полска го лишија од имунитет Богдан Свенчковски, кого претходно го сменија од должноста претседател на тој суд, со што е овозможено негово кривично гонење, се наведува во соопштението на судот.

Општото собрание на судии на Уставниот суд на Полска вчера го разгледуваше барањето за укинување на имунитетот и давање согласност за апсење на претседателот на судот Богдан Свенчковски. Свенчковски утрото дојде до зградата на судот и се обиде да влезе, но портите беа затворени, а ги обезбедуваа полицајци.

„Општото собрание на судии даде согласност за кривично гонење на судијата Богдан Свенчковски поради дела поврзани со злоупотреби за време на извршувањето на функцијата прв заменик на генералниот обвинител“, се наведува во соопштението.

Истовремено, собранието одлучи Свенчковски да го отстрани од должноста, а неговата плата да ја намали за 50 отсто. Меѓутоа, не даде согласност, на барањето на генералниот обвинител, за негово приведување и апсење.

Собранието исто така даде согласност за кривично гонење на заменик-претседателот на Уставниот суд Бартоломеј Сохањски поради дела поврзани со неизвршување на службените обврски односно спречување на правилно избраните судии на Уставниот суд да ги преземат должностите, како и поради постојано кршење на работното законодавство. Сохањски исто така е отстранет од функцијата, а платата му е намалена за 25 отсто.

The International Commission of Jurists has criticised the takeover of Poland’s constitutional court, saying it “contravenes international standards on the independence of the judiciary” But it also criticised the president for refusing to swear in judges https://t.co/2kBv3GT20d

— Notes from Poland 🇵🇱 (@notesfrompoland) November 4, 2026

Претходно, генералниот обвинител на Полска поднесе до Уставниот суд барање за укинување на имунитетот на Свенчковски и на неговиот заменик Бартоломеј Сохањски, како и за давање согласност за нивно апсење.

Обвиненијата против претседателот на Уставниот суд се однесуваат на случаи на употреба на шпионскиот софтвер „Пегасус“ и „Хермес“, пречекорување на овластувањата, како и попречување на работата на други судии и кршење на нивните работни права.

Истражителите Сохањски исто така го товарат за создавање пречки за судиите во извршувањето на службените должности.

European Court rejects request for interim measure in case concerning Constitutional Court of Poland. 🔗 https://t.co/I15bGXeeKF

— ECHR CEDH (@ECHR_CEDH) November 17, 2026

Политичката криза околу Уставниот суд, кон крајот на октомври, доведе до заострување на судирот меѓу кабинетот на полскиот премиер и претседателската палата.

Кризата во Уставниот суд, чии поединечни членови беа именувани за време на претходната влада, дополнително се продлабочи откога сегашните власти, предводени од премиерот Доналд Туск, се обидоа да ги отстранат Свенчковски и Сохањски од нивните функции.

Демонстрантите на 30 октомври ја опколија зградата на судот, а беа забележани и поединечни обиди за пробивање на бариерите. Лидерот на опозицијата Јарослав Качињски го нарече тоа уште една фаза, како што оцени, на прогресивен државен удар.

Poland’s central bank has frozen outgoing transfers from the bank accounts of the Constitutional Tribunal, citing conflicting claims over who has the authority to manage the court following a takeover by a group of judges backed by the government https://t.co/ZYkzoneojO

— Notes from Poland 🇵🇱 (@notesfrompoland) November 17, 2026

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk