Иран, како победничка страна во конфликтот со Израел и Соединетите Американски Држави, ги одредува условите за идното решавање на конфликтот, порача Мохамед Салех Џокар, претседател на Одборот за внатрешни работи на иранскиот парламент, наведувајќи дека планот од 10 точки е „црвена линија“ за Исламската Република.
„Условите ги одредува земјата која победила на бојното поле, а не владата на земјата која пропаднала, која не успеала да ги оствари своите цели и донела само уништување. Затоа, Американците мора да ги прифатат нашите услови“, рече Џокар во интервју за новинската агенција „Мехр“.
Џокар додаде дека иранските услови од 10 точки се „црвена линија за какви било преговори“.
© Vecer.mk, правата за текстот се на редакцијата
