Иранскиот ајатолах Али Хамнеи беше погребан во петокот рано наутро по локално време во неговиот роден град Машхад во североисточниот дел на земјата, по повеќедневните комеморации и погребни церемонии во Иран и Ирак, со што завршува повеќедневниот период на жалост.
Последниот погреб беше извршен во молитвената сала во храмот на Имам Реза во Машхад, откако ковчегот беше носен околу гробот на Имам Реза како дел од погребните обреди, пренесува Press TV. Погребната молитва над неговото тело се одржа во дворот на храмот, по што следуваше приватна церемонија за простување за семејството на Хамнеи.
По погребот, Иранците и муслиманите од целиот свет извршија молитва за него. Молитвата за упокоените ја предводеше најстариот син на починатиот ајатолах, Сејед Мостафа Хамнеи, кој ги изврши ритуалните молитви над телата. Како што наведува Press TV, за време на поворката што го придружуваше телото на Хамнеи, можеа да се слушнат слоганите „смрт за Америка“ и „смрт за Израел“.
Ајатолахот Али Хамнеи беше убиен заедно со неколку членови на своето семејство на 28 февруари, на денот на почетокот на војната која против Иран ја покренаа САД и Израел. Меѓу загинатите беа и сопругата на новиот водач, ајатолахот Сејед Моџтаба Хамнеи, зетот на починатиот водач, ќерката и неговата 14-месечна внука, потсетува Press TV.
Синот на Хамнеи, Моџтаба, ја презеде должноста Врховен водач, но оттогаш не се појавил во јавноста, а исто така не присуствуваше ниту на погребните церемонии.
© Vecer.mk, правата за текстот се на редакцијата
