Италијанскиот стратег Винченцо Монтела повеќе не е селектор на фудбалската репрезентација на Турција. Монтела ја презеде функцијата во 2023 година, но неговиот ангажман заврши по серијата лоши резултати во Лигата на нации.
Турција, заедно со Македонија, беше меѓу ретките репрезентации кои претрпеа четири порази на четири натпревари во изминатите дваесетина дена во ова натпреварување. Турците загубија од Италија на гости со 3:1, од Белгија со 3:0, повторно од Италија, овојпат на домашен терен со 1:4, а потоа и од Франција со 0:1.
Иако Турција се соочи со три светски фудбалски велесили, тоа не беше доволно за Монтела да ја задржи селекторската функција. Македонија, пак, покрај четирите порази, не успеа да постигне ниту еден гол во овој циклус од Лигата на нации.
Монтела ја предводеше Турција на вкупно 40 натпревари, на кои оствари 21 победа, пет ремија и 14 порази. Четири од поразите дојдоа токму во последните дваесетина дена.
Со Турција, италијанскиот стратег настапи и на Светското првенство ова лето, но не успеа да ја мине групната фаза. Турците ги загубија првите два натпревари, а настапот на Мундијалот го завршија со победа над САД.
