Еден од најдобрите фудбалери на шведската репрезентација, Исак Хиен го заврши овогодинешното Светско првенство.
Тој се повреди на натпреварот против Јапонија и одигра само 37 минути од тој натпревар.
Фудбалерот на Аталанта беше стартер на секој натпревар како стопер, а сега мораше да го напушти кампот на шведската репрезентација.
„Сонот се оствари, но заврши прерано за мене. Ви благодарам на сите шведски навивачи кои ме поддржуваа, навистина сте неверојатни. Голема благодарност до момците во тимот и сите околу националниот тим, ова е едно од најубавите искуства што еден фудбалер може да ги има. На моето семејство и блиските пријатели кои секогаш се тука за мене, не можам да опишам колку сум благодарен. Напред Шведска! Ќе се вратам!“, напиша Хиен.
