Се чини дека ова го има само во Челзи и никаде на друго место. Рахим Стерлинг, некогаш еден од најдобрите играчи во светот, се соочува со тешки времиња во Челзи. Англискиот репрезентативец е целосно маргинализиран под водство на менаџерот Енцо Мареска.
Неговиот трансфер во Челзи во 2022 година, вреден 56 милиони евра, се покажа како неуспешен. Во 81 настап за Челзи, тој постигна неклку голови, а својот последен натпревар го одигра на 19 мај 2024 година.
Минатата сезона ја помина на неуспешна позајмица во Арсенал, каде што не постигна ниту еден гол во Премиер лигата, па затоа не е изненадувачки што „топџиите“ не ја активираа опцијата за откуп на неговиот договор. Сега тој може да ги гледа само натпреварите од Лигата на шампионите, натпреварување во кое само Хари Кејн и Вејн Руни постигнале повеќе голови од него за англискиот тим, од далеку.
Иако тренерот Мареска рече дека „сè може да се случи“ во врска со враќањето на играчите што беа отпишани, реалноста е поинаква. Стерлинг тренира сам или со тимот до 21 година, без можност да игра. „Телеграф“ објави дека поранешниот соиграч Винсент Компани го повикал ова лето за да го донесе на позајмица во Баерн Минхен, но Стерлинг бил заинтересиран само за траен трансфер.
За да ја одржи жива својата страст кон фудбалот, Стерлинг редовно ги гледа натпреварите од академијата на Арсенал, каде што игра неговиот осумгодишен син Тијаго.
Стерлинг има уште 18 месеци од договорот со Челзи, кој наводно му заработува околу 350.000 евра неделно, што го прави најплатен играч во клубот. Таа плата е главната пречка за потенцијални трансфери, а „Телеграф“ тврди дека „никогаш не се зборувало за повторно преговарање на неговиот договор по намалена цена“.
За да ја оживее својата кариера, тој веројатно ќе мора да се согласи на намалување на платата. Иако се споменуваше и амбициозниот второлигаш Рексам, таквото сценарио се смета за малку веројатно. Јануарскиот преоден рок се смета за единствено решение за играч кој треба да игра, а не само да тренира, во оваа фаза од својата кариера.
А беше голема ѕвезда во Ливерпул и Манчестер Сити, една од најголемите во Премиерлигата и воопшто во Европа.
