Напаѓачот на Интер и аргентинската репрезентација, Лаутаро Мартинез доживеа нова повреда. Откако паузираше околу месед дена и пропушти неколку клучни натпревари во Серија А поради повреда, Лаутаро накратко се врати на терените, но по се изгледа дека тој повторно ќе мора да биде надвор од терените.
Во текот на денешниот ден Лаутаро бил подложен на нови клинички прегледи, кои откриле истегнување на солеус мускулот на левата нога. Според неколку извори блиски до клубот, аргентинецот би можел да биде надвор од терените околу две до три недели.
Оваа сезона Лаутаро одигра 26 натпревари за Интер и постигна 16 гола и 4 асистенции.
