Ламин Јамал дал интервју кое ќе биде објавено вечерва, а денеска пристигна уште еден интересен дел поврзан со доделувањето на „Златната топка“.
Јамал, слично како Килијан Мбапе, одлучи да се сврти кон самопромоција и јавно да не крие дека смета оти ја заслужува „Златната топка“, откако минатата сезона заврши зад Усман Дембеле.
Тој објасни зошто не е нужно повторно најдобар да биде некој од Пари Сен Жермен.
„Проблемот сега е што луѓето им даваат значење на работи кои не ја носат „Златната топка“. Кога велат дека играчот на ПСЖ мора да ја освои затоа што ја освоиле Лигата на шампионите… Кога ќе ја освоите Лигата на шампионите, го добивате трофејот од тоа натпреварување, кој е наменет за најдобриот тим – тоа е наградата која ПСЖ веќе ја има. Сосема друга работа е тоа што во ПСЖ игра најдобриот фудбалер на светот. „Златната топка“ мора да му припадне на најдобриот играч на светот и тоа е тоа. Не на играчот кој едноставно постигнал 80 голови, бидејќи за 80 голови се добива наградата за најдобар стрелец во сезоната“, изјави Јамал и продолжи:
„Тоа се различни работи кои луѓето не ги разбираат. Најдобар играч на светот е оној во чија игра уживате додека го гледате – како коментатор – некој кој се разликува од сите останати. Најдобриот играч на светот е оној во чија игра уживате додека ја следите од коментаторската позиција – го гледате и помислувате: „Тој е играч кој целосно се разликува од сите останати“.
Кога таа награда ќе му припадне на најдобриот, а не на оној кој постигнал најмногу голови или освоил најмногу трофеи, тогаш повторно ќе ја добие својата вистинска вредност“, истакна Јамал.
