Напаѓачот на Манчестер Сити, Ерлинг Халанд, за прв пат јавно проговори откако “граѓаните“ беа прогласени за виновни по 114 од 115 обвиненија за кршење на финансиските правила на Премиер лигата.
Сити се соочува со строги санкции, вклучувајќи одземање бодови, казни, па дури и исклучување од елитата на англискиот фудбал. Клубот поднесе жалба на одлуката, а Халанд нагласи дека играчите и навивачите мора да останат обединети во оваа ситуација.
„Мора да се држиме заедно, да се поддржуваме едни со други и да останеме позитивни. Многу ми е грижа за ова место – и за Велика Британија воопшто. И мајка ми и татко ми живееја тука десет години; тие живееја во Нотингем и Лидс. Тие никогаш не живееле во Манчестер, но татко ми тренираше во Карингтон секој ден. Ги поминав првите четири години од мојот живот тука, мојот брат имаше девет години, а сестра ми шест. Значи, ова е посебно место за нас“, рече Халанд.
„Што и да се случи во животот, секогаш мора да имаме насмевка на лицето. Мора да останеме позитивни, да гледаме напред, да се обидуваме да ги добиваме натпреварите, да уживаме во моментот и да излеземе како победници. Мора да се држиме заедно и да шириме љубов едни на други. Затоа, да останеме обединети, да уживаме во патувањето и да продолжиме да се смееме“, додаде норвешкиот напаѓач.
Халанд особено ја нагласи својата поврзаност со клубот и навивачите.
„Навистина ми е грижа за Сити, морам да го кажам тоа. Навистина ми е грижа за навивачите бидејќи и јас сум навивач. Сочувствувам со нив“, рече Халанд.
