Англија загуби од Аргентина со 2:1 во полуфиналето на Светското првенство. Избраниците на Томас Тухел поведоа во 55-тата минута со голот на Ентони Гордон, но дозволија Аргентина да се врати и да стигне до финалето преку Фернандез во 85-тата минута и Лаутаро во втората минута од судиското продолжение.
Директен виновник за поразот беше Тухел, кој се повлече откако поведе, внесе двајца стопери и ѝ ја предаде иницијативата на Аргентина.
“Не жалам за ништо. Секако дека сме разочарани бидејќи бевме многу блиску. Бевме премногу пасивни откако постигнавме гол, тие имаа многу шанси и не успеавме да останеме на потребното ниво. Се одлучив за петмина во задната линија бидејќи губевме скокови, тие беа опасни од тие фрлања и сакавме да постигнеме нешто таму. Секако одговорноста е на тренерот кога не е добар, лесно е да се каже дека тактиката беше погрешна“, рече Тухел по натпреварот.
