Македонскиот интернационалец Георг Стојановски и официјално е нов фудбалер на катарскиот клуб Лусаил. Екипата од Катар го потврди трансферот и го промовираше македонскиот напаѓач како свое најново засилување во летниот преоден рок.
Стојановски потпиша тригодишен договор со тимот на Лусаил, а во Катар пристигнува по успешните настапи во Бугарија за екипата на Спартак Варна. Ова е голем трансфер и огромен исчекор во неговата професионална кариера. Како член на Лусаил, тој ќе има прилика да настапува на познатиот стадион во Катар каде што Лионел Меси и Аргентина станаа светски шампиони во 2022 година.
22-годишниот напаѓач на Спартак Варна се приклучи во септември 2025 година и одигра 29 натпревари, во кои постигна десет гола и имаше пет асистенции. Оваа сезона, Стојановски има два гола и една асистенција на два натпревари.
Во својата досегашна кариера, Стојановски има настапувано и за екипите на Вардар, Тетекс, Шкупи и Работнички, а веќе има и интернационално искуство од Блискиот Исток каде што го носеше дресот на Хата во Обединетите Арапски Емирати.
© Vecer.mk, правата за текстот се на редакцијата
