Вчера, Барселона ја продолжи својата импресивна серија на почетокот на сезоната. Тие го победија Бетис во Севиља со резултат од 5:2 во деветтото коло од Ла Лига и го забележаа својот 11-ти триумф во сите натпреварувања во исто толку одиграни натпревари.
Со девет победи во лигата, Каталонците го израмнија најдобриот почеток на сезона во историјата на Ла Лига, што Реал Мадрид го имаше во сезоните 1961/62 и 1968/69.
Тие ќе имаат можност да стаат сопственици на овој рекорд за точно седум дена, токму против Реал Мадрид, кого ќе го пречека на својот „Камп Ноу“.
Ламин Јамал исто така беше одличен во Севиља. Младиот шпански репрезентативец го отвори резултатот со спектакуларен гол во 10-тата минута, подоцна му асистираше и на Габриел Жезус, а неговиот тренер Ханси Флик по натпреварот јасно стави до знаење каде го гледа во моментов во светскиот фудбал.
„За мене, тој е моментално најдобриот играч во светот. Под голем притисок е, има само 19 години, но е целосно фокусиран и посветен на сè“, рече германскиот стручњак.
Во 11 настапи во сите натпреварувања оваа сезона, Јамал постигна девет гола и запиша исто толку асистенции.
Пред „Ел Класико“, Барселона очекува уште еден спектакл, бидејќи за два дена ќе биде домаќин на европскиот шампион Пари Сен Жермен во третото коло од Лигата на шампионите.
