Жозе Мурињо се врати во Реал Мадрид ова лето, но како што стојат работите, неговиот втор мандат наскоро ќе заврши. Наводно, поради лошиот почеток на сезоната, неговото отпуштање веќе му виси над главата, бидејќи е пронајден наследник.
Раководството на Реал Мадрид го разгледува поранешниот селектор на Франција, Дидие Дешамп, како можен наследник на Мурињо. Оваа информација ја објави на социјалните мрежи новинарот на Радио Марка, Серхио Валентин.
Иако на португалскиот стручњак му беа дадени одврзани раце да го состави тимот во текот на летото, челниците на мадридските гиганти се незадоволни од неубедливите игри и недостатокот на препознатлив стил на игра. И покрај тоа што соблекувалната го поддржува својот тренер, неговиот статус е сериозно разнишан. Во моментов, клубот сè уште не презел конкретни чекори за замена на Мурињо, ниту пак започнал преговори со францускиот стратег.
Во првенството на Ла Лига, „кралскиот клуб“ ја држи третата позиција со 21 бод по девет одиграни натпревари. Кога станува збор за Лигата на шампионите, Реал Мадрид ќе биде домаќин на РБ Лајпциг во третото коло на 21 октомври.
Дешамп (58) е надвор од терените од летото 2026 година, кога го заврши својот долгогодишен мандат на чело на француската репрезентација. Со „триколорите“ се искачи на врвот на светот во 2018 година и ја освои Лигата на нации во 2021 година, а го водеше и тимот до финалето на Европското првенство во 2016 година и на Светското првенство во 2022 година.
