Македонскиот борец Гого Славески забележа нова значајна победа во престижната организација BKFC (Bare Knuckle Fighting Championship), а неговиот последен настап привлече внимание не само поради спортскиот успех, туку и поради впечатливиот изглед во рингот.
За оваа борба, Славески настапи со специјално дизајнирани боксерски патики изработени од македонскиот бренд RVR Brand. Станува збор за уникатен рачно изработен модел, создаден во тесна соработка со самиот борец и инспириран од темата „Тивко е на ножот“.
Дизајнот бил реализиран во исклучително краток рок непосредно пред борбата, претставувајќи спој на спорт, уметност и креативен израз. Патиките беа дел од настапот со кој Славески стигна до нов триумф на меѓународната сцена, дополнително промовирајќи го македонскиот талент и домашните брендови пред светската публика.
Оваа соработка претставува уште еден пример како македонските спортисти и креативци можат заеднички да создаваат успешни приказни кои ги надминуваат границите на државата и придонесуваат за афирмација на македонскиот спорт и дизајн во светот.
© Vecer.mk, правата за текстот се на редакцијата
