Матеј Гаштаров дојде во Црвена Звезда случајно, на проба со младинскиот тим. И би можел да стане еден од првите бонуси на Алберт Риера кој на прес конференција по пбедата ан Црвена Звезда над Чукарички го издвои како мастерклас на натпреварот!
Највлијателниот спортски портал во Србија, Моцартспорт, на Матеј Гаштаров му посвети цела колумна од уредникот Дарјан Недељковиќ.
Навивачите на Црвена Звезда зборуваат за Кристијан Балов. И треба. Младиот Бугарин, по тешкиот период и живот на „Маракана“ заслужи да биде во главниот состав, бидејќи на своето деби во првиот тим покажа дека има десна нога мека како памук. Можеби сè уште не е за елитен фудбал, но спортскиот дел од српскиот шампион ќе мора да биде силен во работата со човек платен три милиони евра на Славија Софија.
Можеби Балов покажа дека е достоен за чекање и дополнителен физички тренинг, иако Црвена Звезда не е клуб познат по толеранција и трпение. Но, сигурно ќе биде интересно да се види во која насока ќе се развива статусот на потенцијалниот бугарски репрезентативец во тренерската кујна на Алберт Риера.
Балов доби аплауз, но против Чукарички, од младинската школа, Алберт Ријера го ископа Матеј Гаштаров. Некако, епитетот на суперталентирано дете не му беше припишан досега, без оглед на фактот што зад себе имаше одлични игри во младинскиот тим на Црвена звезда, а потоа и плодна едногодишна позајмица во Борац од Чачак. Покажа дека е зрел за сениорски фудбал, но никој не можеше да претпостави дека е зрел за Црвена Звезда. Иако имаше индикации за сериозен квалитет за време на подготовките во Австрија.
ПРЕДЛОГ ОД ВАНЧО БАЛЕВСКИ И КЛУЧНИОТ ПОТЕГ НА НЕНАД МИЛИЈАШ
Алберт Ријера реши да му ја довери деликатната улога на Раде Круниќ и го погоди вистинското местото. Македонецот роден во 2006 година не се плашеше од деликатните тактички задачи. Тој ја расчисти првата топка од гол-линијата и на бран самодоверба одигра одлична игра. Беше прецизен во пресингот, смирен во додавањата... Ги заврши сите задачи и ги натера навивачите на Црвена Звезда гласно да го коментираат неговиот настап додека се враќаа од стадионот дома.
Многу интересна приказна е поврзана со доаѓањето на високиот играч од средниот ред во Црвена Звезда.
Стаса прердлог за него од Ванчо Балевски, познат менаџер од поранешната југословенска република. Искусен фудбалски работник кој ги убеди луѓето од младинската школа дека треба да го земат Гаштаров на проба „дека во ДНК-та на Црвена Звезда е да имаат Македонец во своите редови“.
Тој дојде на пробна работа, и од голем број деца од различни региони, и - беше единствениот што остана. Само да биде таму и да ги пополни празнините. Играше на почетокот за помладите младинци на Црвена Звезда, но Ненад Милијаш му даде клучна шанса, сметаше дека Гаштаров може да ја пополни празнина на позицијата заден играч од средниот ред. Со други зборови, понекогаш да се гледа зад Андрија Максимовиќ и Василије Костов. Тој беше играч за „валкани задачи“ а Гаштаров, играше со младите против Барселона, Штутгарт, но некако беше незабележителен.
Но го сработуваше својот дел, потврдувајќи дека може да заработува за живот од фудбал. Но, не и да добие шанса во првиот тим на Црвена Звезда во деликатен период.
Тренерот Милијаш, сепак, веруваше. И сега, Матеј Гаштаров е прекрасна приказна за Црвена Звезда. Не би навлегувале во далечни предвидувања, но немојте да се изненадите ако Гаштаров стане еден од првите бонуси на Црвена Звезда. Можеби и првиот ако Василије Костов си замине.
© Vecer.mk, правата за текстот се на редакцијата
