logo
logo
logo

Вонредно ПРЕДУПРЕДУВАЊЕ од метеорологот Попоски: Можни се пеколни температури над 45 степени

Vecer | 30.07.2021

Вонредно ПРЕДУПРЕДУВАЊЕ од метеорологот Попоски: Можни се пеколни температури над 45 степени

Метеорологот Славчо Попоски најавува дека идната недела е можно да имаме температури над 45 степени.

Топлотниот бран во нашата држава ќе се задржи до самиот крај на оваа седмица, а ќе продолжи и во текот на следната, со тоа што би можел да биде со уште поголем интензитет.

„Имено, нашата територија ова лето се наоѓа под постојано влијание на многу топла воздушна маса која продира од југ (северните предели на Африка). Истата условува постојано температури од над просекот за овој дел од годината. Температурите до крајот на оваа седмица ќе се искачуваат во интервалот од 35 до 43 степени, а УВ индексот ќе има многу висока вредност (9). Времето постојано ќе биде сончево со мала локална облачност, ќе дува слаб до умерен, повремено на некои места засилен ветер од западен и од северозападен правец. Ветерот особено ќе биде изразен во понеделник и ќе биде врел. Според моменталните анализи со кој располагаме, во текот на следната седмица температурите долж Повардарието и во југоисточните предели би се искачиле дури над 45 степени, и би имале температури какви што сме немале. Состојбата и понатаму континуирано ќе се следи и граѓаните навремено ќе бидат информирани. И во Скопскиот регион температурите денес, како и во текот на следните денови ќе се искачат над 40 степени“, вели Попоски.

Советува, граѓаните, особено оние хронично болните и повозрасните и изнемоштени лица во никој случај да не излегуваат надвор во најтоплиот дел од денот. Исто така граѓаните во ваква ситуација треба да пијат многу течности.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk