На денешната седница за советнички прашања на Советот на Град Скопје, градоначалникот Орце Ѓорѓиевски, одговарајќи на советничко прашање информираше дека во четврток ќе се направи промоција на 40-те нови специјализирани комунални камиони, по што тие уште вечерта ќе бидат ставени во функција низ градот.
-Во четвтрок правиме промоција на новите камиони за комунална хигиена кои што конечно ни стигнуваат. Од четврток вечерта веќе ќе почнат да функционираат низ градот- изјави градоначалникот.
Тој додаде дека освен овие 40 нови камиони, Градот самостојно и преку донација набавил уште три специјализирани камиони за собирање отпад.
-Освен набавата на камиони од страна на државата преку Град Скопје, по пат на донација добивме еден камион и дополнително уште два кои што ги субвенциониравме ние, имаме три камиони кои самостојно ги набавивме како Град Скопје и „Комунална хигиена“- вели Ѓорѓиевски.
Дополнително, градоначалникот потсети дека ќе се направат уште две претоварни станици во Карпош и во Гази Баба, за, како што вели тој, побрзо да се одвива динамиката на собирањето на отпадот.
© Vecer.mk, правата за текстот се на редакцијата
